piccola vita ...grande cuore

2011-12-04T01:46:00.001Z

Mikið var dagurinn fallegur í frostinu. Ég gekk um miðbæinn með bróður mínum. Kitsjaða norðurljósasjóið á Hörpunni venst vel.
Í kvöld sá ég Hreinsun í Þjóðleikhúsinu. Það var góð sýning en óþægileg. Við mannfólkið getum verið svo viðbjóðsleg. Þá var gott að komast í huggulegt jólaglögg til vinafólks á eftir. Vinur minn úr Wagner-félaginu og spúsa hans buðu í jólaglögg með heimalöguðum pralínum og smákökum. Sænskur leikari fór með ræðu úr fimmta þætti Machbeths og leikkona flutti ljóð eftir Mattías þjóðskáld innblásin af Brecht. Karlarnir voru í jakkafötum og konurnar í nælonsokkum, nema við lagskona mín sem bar af í nýtískulegum samfestingi. Við dáðumst að vönduðu handverki gestgjafans sem bindur inn fornsögur í frístundum. Virkilega hugguleg kvöldstund. Dálítið borgaraleg en hugguleg.

2011-11-19T01:19:00.001Z

Ég sá uppsetningu Þjóðleikhússins á Öllum sonum mínum í kvöld. Leikritið er svo gott að sýningin verður fín svo lengi sem hún er ekki ömurleg. Hvað er annars klassískt verk? Fórum svo á knæpu og drukkum öl en mér líður ekki vel svona ölvuðum.

Takk fyrir koníakið

2011-10-22T14:37:00.001Z

Vínandinn kemur mér í samband við vinnuna.

Lífið, leiðarvísir.

2011-10-13T23:52:00.000Z

Í sumar fór ég að klæða mig minna eins og bóhem og meira eins og prófessor.

Ég fann strax mun. Ariosto-þýðingin hefur sjaldan gengið betur. Kannski er það frekar absyntið, ég veit það ekki.

Nú er ég líka búinn að skipuleggja kvöldamatinn alla daga út lífið:

Mánudagar: pasta

þriðjudagar: fiskur

miðvikudagar: súpa/frittata

fimmtudagar: pizza

föstudagar: fiskur

Helgarnar verða reyndar frjálsar svona til að byrja með.

Ég bjó til planið í gær og eldaði ribollitu með þurru brauði og parmaosti fyrir okkur feðgana. Í kvöld var afgangur fyrir ungviðið og ég fékk mér bara rauðvín og sígarettu í matinn.

Ástkonan er flutt út.

2011-09-01T00:36:00.001Z

Nú er Gunnar Hrafn fallinn frá, þessi ofboðslega skemmtilegi maður. Mér fannst það alltaf vera heiður að þekkja hann og lestur hans var ein helsta ástæðan fyrir blogginu mínu enda lásu það aldrei margir aðrir. Nú ætla ég að fá mér whiskítár og hlusta á eitthvað fallegt. Hugur minn er hjá fjölskyldu hans.

2011-05-15T22:00:00.012+01:00

Hver taug í líkama mínum skelfur enn eftir Walkyrie Wagners í gær í Metrópólitan-óperunni (/ í Kringlubíó). Ég er heltekinn og með afneitun ástarinnar-leiðarstefið og stef Siegfrieds á heilanum til skiptis. Það eina sem skyggði á sýninguna (fyrir utan kannski mörghundruð aukakíló Frikku) voru konurnar sem sátu fyrir aftan mig og töluðu meðan á sýningunni stóð. Siegmund er hundeltur í skóginum, yfirgefinn af föður sínum, móðir hans drepin, systur hans rænt, ást hans er forboðið sifjaspell og heimurinn dæmdur til að farast en þessar konur gátu ekki hætt að tala upphátt um það að Siegmund slefaði þegar hann söng (so what? Hvað myndu þær gera í hans stöðu). Að lokinni sýningu fórum við félagarnir í Wagner-klúbbnum og fengum okkur að borða á Kringlukránni og ræddum sýninguna. Yndislegur félagsskapur.

2010-12-31T23:55:00.002Z

Takk fyrir árið Fortúna mín!
Gleðilegt ár kæru lesendur.
Ég er kannski dálítið meyr núna.

Allt með sykri og rjóma

2010-09-09T16:36:00.008Z

Ég er nú orðinn faðir á ný. Það er yndislegt. Dóttir mín reyndist vera drengur en það kemur ekki að sök og við feðgarnir virðumst ætla að eiga skap saman. Honum finnst gott að liggja hjá mér í sófanum og fá nudd og hlusta á barrokktónlist eða Halldór Laxness lesa ljóð.

Bráðum kemur betri tíð með blóm í haga,
sæta lánga sumardaga.

Þá er gaman að trítla um tún og tölta á eingi,
einkum fyrir únga dreingi.

Folöldin þá fara á sprett og fuglinn sýngur,
og kýrnar leika við kvurn sinn fíngur.

Já, þá horfir Hrólfur yngri á mig djúpbláum aðdáunaraugum og brosir. Draumur minn er að hann verði fiðluleikari. Fiðluleikari eða bóhem og ljóðaunnandi.

Schubert

2010-05-24T19:57:00.003+01:00

Ég bauð ástkonu minni og ófæddri dóttur á morguntónleika í Fríkirkjunni í gær þar sem Ágúst Ólafsson og Gerrit Schuil fluttu Winterreise Schuberts. Og þvílíkur unaður! Rödd Ágústs er einstaklega falleg og túlkun hans svo tilfinningarík og smekkleg. Gerrit var líka frábær. Alveg er ég viss um að ófædd dóttir mín hefur kunnað að meta þetta þótt hún hafi ekki skilið hvað var að gerast, þessi elska.
Áður en tónleikarnir hófust leist mér ekki á blikuna þar sem Geir Haarde dirfðist að mæta á tónleikana. Og hann settist beint fyrir aftan mig með þessari ógeðslegu kellingu sinni. Ég sneri mér nokkrum sinnum við og gaf þeim illt auga áður en við ákváðum að færa okkur upp á svalir. Þar eru bekkirnir harðari en útsýnið betra nema hvað við okkur blasti nú ekkert annað en bónaður skallinn á Ingibjörgu Sólrúnu sem sat bara knarreist á fremsta bekk. Það sauð virkilega á mér en græðingarmáttur tónlistarinnar er ótrúlegur og um leið og Gerrit sló fyrstu nótuna á píanóið var sem öll biturð liði úr líkama mínum og ég fann frið.
Það er yndislegt að fara á tónleika, að hlusta á tónlist af plötu er bara eins og að njóta konu í gegnum síma í samanburði við góða tónleika.

Hvað er að nútímanum?

2010-05-11T15:59:00.000+01:00

2010-04-07T17:23:00.006Z

Ég hef vanrækt sjálfan mig undanfarið. Það fer svo mikil orka í eitthvað sem ég nenni ekki einu sinni að finna nafn.
Þýðingin á gengur vel þótt mér eigi ekki eftir að endast ævin...
Og svo er það svefninn, ég virðist aldrei fá nógan svefn.
Kannski þarf ég drykk.
Í dag skín þó allavega sólin inn í stofu til mín.
Ég er líka að lesa svo góða bók, Les choses eftir Perec. Ég sakna Parísar. Nenni samt ekki að búa þar.

2010-04-05T11:04:00.001Z

Mamma Roma

2010-03-02T23:58:00.006Z

Anna Magnani hlýtur að vera glæsilegasta leikkona í heiminum.

Og Vivaldi besta tónskáldið.

Og Pasolini besti leikstjórinn.

Kveðja, Hrólfur.

E penso a te

2010-02-16T15:39:00.004Z

Nýi gítarkennarinn minn er svo sérstök. Mér var kannski nær, við hverju bjóst ég að fara að læra á klassískan gítar. Ástkona mín gaf mér mjög fallegan sovéskan gítar í jólagjöf og ég ákvað að láta gamlan draum rætast og læra á hann. Ég fæ að spila bæði tarantellur og tangóa og er að vinna í því að kynna kennslukonuna fyrir ítölskum velluslögurum frá áttunda áratugnum. Í æðum hennar rennur latino-blóð svo þetta ætti að ganga vel hjá mér. Hún er ótrúlega ströng og ólíkt öllum öðrum tónlistarkennurum sem ég hef haft er hún alltaf að segja mér að spila hraðar, sem er erfitt þar sem ég er skammt á veg kominn. Ef ég spila ekki nógu hratt, að hennar mati (mér finnst eðlilegra að spila hægar svo ég hafi tóm fyrir listræna túlkun og nái þessu tæknilega réttu) þá grípur hún eigin gítar og spilar með og togar mig með sér á ógurlegan hraða sem ég ræð mjög illa við. Mér var skapi næst að hætta eftir síðasta tíma en hún lofaði að ég mætti æfa E penso a te fyrir næsta tíma (auk tveggja tangóa, tarantellu og fjölda skala og döfullegra fingraæfinga).

En jæja, best að pirra í sér borgarann og drífa sig í frjáls-dans- jógatímann.

Ég er með fordóma gegn fitubollum og fólki frá Grindavík (öðrum en Guðbergi Bergssyni)

2010-01-30T09:44:00.009Z

Laugardagsmorgnar eru oftast yndislegir. En stundum vekur nágranninn frá Grindavík okkur klukkan að ganga sjö með svokölluðu eftirpartíi sem felur undantekningalaust í sér að lítill hópur spilar á kassagítar og syngur saman lögin Dimmar rósir og eitthvað með Pearl Jam og síðan er laginu Allt er svo eymdarlegt án þín skellt á fóninn og hækkað og ef allir séu í stuði er líka hoppað með svo gifsrósetturnar titra í loftinu (hún er 140 kíló og lifir á Ruby tuesday, konfekti og breezerdrykkjum).
Kannski maður skelli einhverju almennilegu á fóninn sjálfur og baki eplapæ með vanillusósu og geri rjúkandi kaffi í mokkakönnunni.

...þá er nú gott að ylja sér við Space-Girl Dance

2010-01-25T21:06:00.001Z

Skammdegið fer eitthvað illa í mig

2010-01-25T17:11:00.007Z

Mig langaði í ferska og safaríka ávexti í dag og brá mér því á ávaxta- og grænmetismarkað hverfisins, nánar til tekið í Bónus. Þar sá ég melónur í þeim girnilega gula lit sem fyrirfinnst ekki í norrænni náttúru enda aldinin samkvæmt límmiðunum upprunnin í Brasilíu (ó Brasilía! Þegar berir, bronsaðir fætur mínir liðu um hvítar strendur þínar, sjávarniðurinn, sólsetrið, líkamarnir...) Ég keypti enga melónu því mér fundust ávaxtaflutningar alla þessa leið ekki réttlætanlegir (ég er svo leiðinlegur). Í staðinn keypti ég spænskar appelsínur, sem vissulega hafa mengað á leið sinni í Bónus, eftir að hafa verið ræktaðar og tíndar af afrískum tjaldbúðaþrælum. Skammdegið fer eitthvað illa í mig.

Ó, ég er svo hamingjusamur.

2010-01-16T20:51:00.001Z

Allt með sykri og rjóma

2010-01-16T15:04:00.012Z

Ég verð inni í dag, veikur. Horið streymir úr hverju einasta gati á höfði mér en þetta er nú samt ekki svo slæmt. Ég hef þá að minnsta kosti afsökun til að halda mig frá þessari niðurdrepandi dumbu sem blasir við fyrir utan gluggann.
Ég er líka ekki svo aðframkominn að ég geti ekki bakað semlur, gómsætar gerbollur með marsipani og rjóma.
Ástkona mín er líka úti á einhverjum myndlistaropnunum svo ég get blastað óperum að vild.

Nei, ég bið ekki um meira í þessu lífi.

Æ, æ. Hveitið er búið.

Mikið yndislega er lífið ófullkomið.

2010-01-06T23:27:00.001Z

Átti notalega stund með bridgefélögunum. Púrtvínið róaði taugarnar. Verð að biðja ástkonuna afsökunar.

I can hear it calling me like it used to

2010-01-06T15:43:00.006Z

Ég ætla að hefja nýtt líf erlendis með síðsumrinu. Fjölskyldulíf er ekkert fyrir mig (hvers vegna get ég ekki bara verið plebbi eins og aðrir?). Auk þess vill ástkonan ekki koma með mér (hvernig getur nokkur maður viljað lifa með þessu landi?) Ég get þó huggað mig við það, þar sem ég mun sitja einmana í exótískri leiguíbúð innan um hannyrðaverslanir í heróínborginni Osló, að gengið verður mér í hag þegar kemur að því að senda meðlagið.

Hjálp, Drottinn.

Gleðilega hátíð kæru vinir!

2010-01-04T20:34:00.001Z

2009-12-05T01:50:00.010Z

Stundum finnst mér ég vera svo misheppnaður.
Núna líður mér þannig.
Ég nenni ekki að taka mig í hugræna atferlismeðferð.
Ef ég fer að sofa núna vakna ég kannski bara í stuði á morgun.
Nú eða ekki.
Þetta kemur bara alltsaman í ljós.

Myndin tengist líðan minni ekki neitt.

(En hvað veit ég svosem um víðfeðmar lendur hugans?)

Krautrock documentary Pt 1 of 6

2009-11-15T15:21:00.001Z

2009-11-13T00:03:00.002Z

Jæja, þá er ég aftur orðinn reiður.
Ég haaaaata svona 30% Íslendinga. Og örugglega líka 30% mannkynsins. Minnst.
Það er ágætt að hata.

2009-11-04T21:47:00.004Z

Undanfarið hef ég lagt mig fram um að vera jákvæður og opinn fyrir því að prófa nýja hluti. Þegar vinkona mín bauð mér að koma með sér í sjósund og svett um daginn ákvað ég bara að skella mér. Ég fór og stakk mér til sunds einhverstaðar í ísköldum sjó Hvalfjarðar. Að því loknu lét ég leiða mig í lítinn indíánadans og leyfði viðkunnalegum manni að "hreinsa áruna mína" með einhverju sem ilmaði eins og brenndar, franskar kryddjurtir. Að lokum settist ég inn í lítið niðdimmt tjald og svitnaði og hugsaði um fyrringu nútímamannsins í nokkra klukkutíma. Athyglisvert!
Næsta dag vaknaði ég með kvef sem þróaðist í rólegheitunum yfir í H1N1-flensu. Nú er ég búinn að liggja veikur í rúminu í á þriðju viku. Mér líður vel. Meiraðsegja mjög vel bara. Yndislegt frelsið sem felst í þeirri frelsissviptingu að komast ekki út og geta varla staðið upp. Andleg hreinsun liggur mér við að segja. Svona hefur þetta verið í klaustrunum í Avignon og Sienna. Ég og bækurnar mínar. Og Ástkonan auðvitað. Það var víst líka nóg um þær í klaustrunum í gamla daga.

2009-10-19T16:12:00.002Z

2009-10-14T18:34:00.000Z

Mig langar bara að horfa á Dinasty og spila bridge.

2009-10-13T17:52:00.010Z

Ég held ég hefði fílað mig á barrokktímanum.
ummmm.... aaaaahhhh
Þegar fólk fór að efast um tilvist Guðs og dýrka hið villta og áður en það fjölgaði sér of mikið og skemmdi úrskóga Evrópu:

(Michelangelo Buonarroti
Deyjandi þræll )

2009-10-06T23:01:00.008Z

Hljómsveitaræfingin gekk ekkert sérstaklega vel í kvöld. Allir þreyttir og illa upp lagðir, eða var það bara ég?
Við erum að spila tvö ný systurverk eftir stjórnandann, annað fyrir einleiksklarinett, hitt fyrir trompet. Verkin bera nöfn systkinanna Artemisar og Appolos og minna mig alltaf, og þá sérstaklega hlutar úr næturverkinu, Artemis, á ljóð Eugenios Montales úr bók hans Ossi di seppia. Óbærileg bók um ógeðið sem lífið er. Vel skrifuð.
Það eru einmitt hljóðin í ljóðunum sem gera þau að því sem þau eru; skrjáfið, "scricchi" og "cocci aguzzi".
En já.
Jæja.
Fáum hér mynd af Montale.

En tökum upp léttara hjal. Ég var að byrja á Tídægru Boccaccios og þurfti aldeilis ekki að lesa langt fyrr en vinir mínir í bókinni fóru að tala um hana Fortúnu vinkonu mína. Yndisleg bók alveg hreint og metafóra um fríið sem felst í (sagna)listinni. Ég ætla ekki að skrifa metaskáldsaga, sem þetta er samt. Var það ekki Deleuze sem skilgreindi list sem frí frá heiminum, sem helgiathöfn, sem simbol (sym-balein) og sem leik? Eða var það einhver annar? Æi ég man ekki neitt. En já, ég gleymdi allavega Decameron út í bæ og þarf að lesa eitthvað annað í kvöld.
Ég sem er í svo miklu stuði fyrir Boccaccio.

Hér er mynd af Deleuze, áður en krabbameinið dreifði úr sér.

Úr stuttmyndinni La Ricotta eftir Pasolini

2009-10-06T17:47:00.001Z

Ég mæli virkilega með þessu

Io sono una forza dal passato
....
Mostruoso è chi è nato
dalle vicere di una donna morta
e io
feto adulto
mi aggiro più moderno di ogni moderno
a cercare fratelli
che non sono più.

Parsifal

2009-10-02T19:01:00.003Z

Ég hef snúið baki við pólitísku þrasi. Lífið er svo stutt og peningar bara drasl. Skítt með þá. Og skítt með aumingjana og hálfvitana. Skítt með filistínana. Skítt með það, skítt með það allt.

2009-09-28T17:25:00.003Z

Ó hve ég er sammála þessu!

Guð minn almáttugur hvað ég sakna Evrópu!!

2009-09-27T04:53:00.001Z

2009-09-25T00:00:00.002Z

Ég er svo sorgmæddur eftir að ég áttaði mig á að þetta er ekki djók með Davíð odds.
Ég þrái að vakna af þessarri þrúgandi martröð.
Ég held ég geti ekki meir.

Vive l'Europe!

2009-09-24T21:32:00.002Z

Hvers vegna er alltaf rok, rigning og niðdimm nótt þegar maður lendir á KEF? Eftir ljúfa síðsumardaga á meginlandinu þar sem sólin kyssir bústnar trjágreinar sem svigna undan þrýstnum ávöxtum sínum er auðvelt að gleyma kostum Norðursins. En svo í dag fékk ég mér gönguferð í garð Einars Jónssonar fyrir hádegi og naut þess að horfa á eldrauð reyniberin í rigningunni. Fór svo heim og hlýddi á ljóðasöng á Rás eitt og er allur að taka þetta í sátt. Ég komst líka með talsvert magn osta og pylsa inn í landið, aldrei þessu vant.
Það er samt ekki laust við að ég væri tíl í að snúa aftur. Fara utan. Burt frá andlegri mónótóníunni.
Ég elska Frakkland. Ég elska Evrópu!
Mér leið sem ég væri að endurfæðast, frumu fyrir frumu, þessa daga í gamla heiminum.
Ostar, vín, öl, hraðbrautir, skógar, lautarferðir, koparþök, dómkirkjur, ávextir, brauð, menning! Menning!

Gamli heimurinn

2009-09-16T18:16:00.008Z

Jæja, þá er stundin loksins alveg að fara að renna upp.
Ég fer til meginlandsins á morgun!
Adrien og Julia eru að fara að gifta sig.
Ó, það verður svo gaman að hitta gömlu vinina frá námsárunum í Rúðuborg!

Ég keypti lunda handa brúðhjónunum, Frakkar eru alveg vitlausir í le macareux. Ó, það jafnast ekkert á við sveitabrúðkaup listamanna! Kannski verður gott veður!
Verst bara hvað Adrien er búinn að halda mikið framhjá henni Juliu sinni.

2009-09-16T02:06:00.002Z

Ég bakkaði út af lúðrasveitaræfingunni. Ég náði stemmningunni ekki. Vissulega lúðaleg stemmning, ég var undir það búinn, en líka einhver hnakkastemmning. Alls ekki fyrir mig. Og þó, aldrei segja aldrei. Þetta var fyrsti dagurinn minn og ég var bara í aðlögun. Kannski er þetta ekki rétta lúðrasveitin fyrir mig.
Það besta við æfinguna var að ég fattaði loks hvers vegna álagið er alltaf svona mikið á þumalinn hjá mér. Hinir hengdu klarinetturnar í ól um hálsinn. Er það líka gert í sinfóníuhljómveitum eða er þetta bara af því að lúðrasveitir marsera? Ég hef aldrei tekið eftir þessu áður.
Og já, það var mikið slefað. Slefað og hellt.

2009-09-13T00:22:00.005Z

Ég er að fara á mína fyrstu lúðrasveitaræfingu á mánudagskvöldið. Það verður vonandi góður undirbúningur fyrir það þegar ég mun búa í litlu þorpi í ítölsku Sviss eftir að hafa flúið land og ekkert verður við að vera nema spila með la banda á torginu á sunnudögum.
Rannsóknarnefnd bankahrunsins býst víst við að það brjótist út borgarastyrjöld þegar hún birtir skýrsluna sína. Ekki ég.

Takk Kristjan

2009-09-10T15:13:00.001Z

Tannhauser. Óvertúra. Unaður. Takið eftir stefinu sem var skælt í Sound of Music.

2009-09-05T01:13:00.004Z

Petrarca talaði oft í bréfum sínum um það hvernig maður skyldi aldrei stóla á la Fortuna (Lukku?) og hvað hún væri ómerkileg. Ég ætla samt að þakka henni fyrir mig. Hún hefur reynst mér frábærlega.

2009-09-03T22:43:00.006Z

Karl Benjamin (1925)

2009-09-02T17:08:00.002Z

Ich hatte einst ein schönes Vaterland.

Der Eichenbaum

Wuchs dort so hoch, die Veilchen nickten sanft.

Es war ein Traum.

Das küßte mich auf schwedisch, und sprach auf schwedisch

(Man glaubt es kaum,

Wie gut es klang) das Wort: »jag älskar dig!«

Es war ein Traum.

(Heine með leiðréttingum mínum)

2009-09-01T22:41:00.003Z

Jæja, þá er áhugamannahljómsveitin komin í gang eftir sumarfrí. Ég þurfti auðvitað að lenda með freðýsu á púlti eins og fyrri daginn. Ég var auk þess með höfuðverk eftir klarinettuleik dagsins (höfuðkúpan í mér víbrar svo af þessu).
Annars var þetta ágætt. Kaffið var samt vont.

Svo er ég nett sár yfir því að fólk sé að læsa bloggunum sínum fyrir mér.
Hvernig væri að bjóða mér að lesa? Ég er ekki þessi stalker sem ofsótti þig með ljóðum um tennur, Ármann Jakobsson. Og Sveinungi, ég hélt að það hefði myndast ákveðið, ja ...traust á milli okkar.

2009-08-24T18:17:00.000Z

Ég er dofinn í þumlinum af klarinettuleik.
Ætli ég sé að gera eitthvað vitlaust?

Skítapakkið

2009-08-24T15:22:00.003Z

Ó hve lífið væri gott ef allir væru minnst jafn klárir og ég.
Og hvert á ég að hringja til að kvarta yfir lélegri þjónustu Neytendasamtakanna?

2009-08-17T20:50:00.007+01:00

Hegelistinn Friedrich Engels var ekki bara flinkur að skrifa ávörp. Hann teiknaði svona líka flott:

(Þessi færsla er tileinkuð bróður mínum, frjálhyggjumanninum).

Já já

2009-08-17T01:22:00.001+01:00

2009-08-17T01:22:00.000+01:00

Lífið á Jörðinni

2009-07-21T00:14:00.012+01:00

Tilfinningar

2009-07-11T11:48:00.002+01:00

Drottinn virðist hafa yfirgefið mig.
Höfuðið á mér er fullt af bómull og sandi.
Ó!
Þetta er kannski upphafið að einhverju ágætu.
Bráðum, bráðum.
Þangað til stunda ég dagdrykkju.
Sumarið er árstíð mígrenis.
Hvar er ströndin og skógurinn?

Gleðilega þjóðhátíð!

2009-06-17T17:28:00.006+01:00

Ég hata 17. júní.
Ég reyni að hugsa ekki um hvaða dagur er í dag en söngleikurinn Grease hljómar á megastyrk inn til mín. Það er frekar glatað að vera svona passívur í hátíðar- höldunum svo ég hef tekið fram blað og penna og hripað niður hugleiðingar mínar til Bjarna Ármannssonar (Hundsundveien 16, 1367 Snarøya, Norge).

2009-06-15T21:22:00.002+01:00

2009-06-11T08:57:00.000+01:00

Athyglisvert.

2009-06-07T13:27:00.002+01:00

Gott að vera inni í góða veðrinu.

2009-06-06T17:07:00.010+01:00

Ég fór í ríkið á Eiðisgranda á miðvikudaginn og mætti Davíð Oddssyni með úttroðna poka. Kannski var hann að fara að halda veislu (as if).
Ég vorkenndi honum.

Annars er ég frekar glaður allur. Það er sól og hægt að opna gluggana upp á gátt án þess að þeir fjúki upp. Ég ligg í pernillunni og dáist að eigin tónlistarsmekk. Gott að vera inni í góða veðrinu. Ég fann þessa skemmtilegu myndasíðu: http://www.flickr.com/groups/36503852@N00/

2009-06-03T18:48:00.005+01:00

Ég er að lesa í hvítbók og er skapi næst að kúka í kassa og senda á fólk. Kúkurinn úr mér er samt of góður fyrir fólk eins og Lárus W. Snorrason, Blönduhlíð 8, 105 Reykjavík. Kúkurinn minn á það heldur ekki skilið að vera handleikinn af Birnu Einarsdóttur, Laufásvegi 48a.
Mikið eiga börn föðurlandsnauðgaranna annars eftir að fyrirlíta foreldra sína þegar þau komast til vits. Það er nú allavega huggun í því.
Valgerður Sverris á samt skilið að fá smá kúk. Hún er einhvernvegin þannig.

The Eliminators - Dawn Patrol

2009-06-03T11:39:00.001+01:00

Maður lifir ekki á brauði einu saman.

2009-06-01T15:18:00.000+01:00

2009-05-18T12:57:00.002Z

Guð blessi tónlistina.

2009-05-17T16:42:00.008Z

Ég kryddaði brennivín í gær.
Ég blandaði hýði af rabbabarastönglum, myntulaufum, smá anusi og berki af sítrónu út í slatta af vodka (allt brennivínið er búið) og lét standa í sólahring. Svo sigtaði ég fagurbleikar veigarnar, hellti í glas og fór með ekki svo vel valda gleðivísu. Einn.

Kvót vikunnar

2009-05-13T23:00:00.001Z

„Láttu ekki eins og kjáni! Núna er bros þitt fiðrildi en á morgun verða brjóstin á þér tvær kurrandi dúfur sem vilja láta gæla við sig, geirvörturnar tvö safarík hindber, tungan verður hin raka ábreiða guðanna, afturendinn verður að seglum á bát og það sem einmitt núna er rakt á milli fóta þér verður gljásvartur ofninn þar sem stinnt stál mannkyns er hamrað. Góða nótt!“

KLAUS is bored filming

2009-05-13T22:34:00.001Z

2009-05-12T22:34:00.010Z

Það er gott að sötra koníak eftir hljómsveitaræfingu. Slaka á og horfa á góða bíómynd. Ég ætla að horfa á Aguirre, der Zorn Gottes eftir Werner vin min Herzog. Já, rétt eins og hægt er að eignast vini gegnum bækur er hægt að eignast þá líka í bíó.
Petrarca, vinur minn, skrifaði löngu dauðum vinum sínum (Hómeri, Óvidíusi og uppáhaldinu, Síseró) mjög mörg bréf og kvartaði sáran yfir samferðamönnum sínum. Hvað þeir væru ógeðslega banal og miklir hálfvitar. Hann var alveg fáránlega nútímalegur, Petrarca. Eða kannski var hann bara svona mannlegur.
En já, ég mæli eindregið með þessari mynd. Það er hægt að horfa á hana alla hér í bútum. Werner Herzog tók hana upp á myndavél sem hann stal úr kvikmyndaskólanum sínum. Hann fékk Klaus Kinski í aðalhlutverkið og þeir rifust víst brjálæðislega á tökutímanum. Þeir voru eitthvað ósammála um persónusköpunina. Kinski reyndi víst að stinga af frá tökustað (sem var djúpt í frumskógum Perú, við upptök Amazon-fljótsins) en Herzog hótaði að skjóta hann fyrst og síðan sjálfan sig og á endanum ógnaði hann Kinski með byssu á bakvið myndavélina þegar hann leikstýrði honum. Við getum nú verið þakklát fyrir það og þakklát fyrir stuldinn á kvikmyndatökuvélinni sem skilaði sér sem svo mikil gjöf til mannkynsins.

Le Roi Danse

2009-05-09T00:15:00.002Z

Hver man ekki eftir þessari mynd? Ég man að ég sá hana í Rúðuborg og við Monica hlógum frekar mikið að henni. Ég man líka að við dáðumst að tónlistinni. Auðvitað er barrokk eins og rokktónlist. Öguð og tryllt. Bara tignarlegri. Sem gerir hana enn trylltari. Þessar barrokksveitir nútímans eru upp til hópa ekki að ná þessu. Þær rokka ekki. Hvað er að þeim?
Annars er ég að hlusta á barrokk til að koma mér í rétta fílinginn fyrir Sinfóníuhljómsveit áhugamanna. Við erum að æfa Bach-hljómsveitarsvítu sem gengur ekki alveg nógu vel. Þetta er auðvitað allt spurning um fíling.

2009-05-05T01:22:00.003Z

Ég bugaðist í kvöld. Lífið ekki bara tilgangslaust heldur líka leiðinlegt og svo fór ég ofan á allt á bömmer yfir að hafa aukið á óhamingju heimsins með því að eignast þennan þunglynda son. Ég man eiginlega ekki hvernig tilfinningin var en þetta snérist um örlög mannsins og þjáningu og tilgangsleysi og eitthvað svoleiðis. Ég er líklega með gráa fiðringinn því ég hugleiddi að stinga af til Indlands og hughreysta munaðarlaus börn og kenna þeim eitthvað. líklega ætti ég frekar að fara til Kólumbíu. Svo ég fór í bíltúr í Hagkaup í Skeifunni sem lokar aldrei og hresstist við. Keypti mjólk og popp og handáburð. Skoðaði ólíkar gerðir af lopa. Ég læknaðist að minnsta kosti tímabundið. Kannski var það líka þýski ljóðasöngurinn í bílútvarpinu sem færði sál minni ró. Hann og poppkornið.

Thord

2009-04-29T01:19:00.001Z

Rassi prump hvað.

2009-04-23T18:51:00.003Z

Hvert, hvert?

2009-04-21T23:53:00.014Z

Heimurinn býður upp á margt yndislegt.

Wohin, wohin:

Dov'è, dov'è:

Fritz Wunderlich er uppáhaldssöngvari systur minnar. Sublime Northern Angst eins og Kaninn á Rothko-sýningunni sagði. Sellóin í byrjun eru líka guðdómleg.

Giuseppe Di Stefano er meira svona melodramatískur. Eða líklega er það bara tungumálið. Hann deitaði Mariu Callas á tímabili. Nafni minn, Sir Rudolf Bing, óperustjóri Metropolitan-óperunnar, sagði í endurminningum sínum að hann hefði aldrei nokkurn tíman heyrt fegurra hljóð en þegar Pipo lét háa C dvína niður í pianissimo þegar hann depúteraði sem Faust.

Ástkona mín "fílar ekki óperur". Hún er úr Breiðholtinu. Hvernig get ég afblokkerað hana?

Góðir Íslendingar, dómsdagur.

2009-04-19T23:58:00.012Z

Ég var að koma heim frá systur minni. Við spiluðum Mozart. Ég hef vanmetið Mozart. Svo fórum við og fengum okkur bjór. Það var gott. Í gær sá ég myndina Låt den rätta komma in sem var fersk og hægt að mæla með. Hún fyllti mig af von. Kryddjurtirnar eru komnar upp. Ég veit ekkert himneskara en lyktina af basiliku. Það var um heita júlínótt fyrir mörgum árum sem einhver vafði um háls mér lauflengju sem ilmaði af lárviði og basiliku og lyktin mun aldrei hverfa úr minni mínu. Þetta var í Siena og ég lenti einhvernvegin í contröðunni sem hafði fyrr um daginn unnið palíóið. Afsakið tilfinningasemina, ég drakk ekki bara þennan bjór heldur einnig mjög gott Rioja-vín með heimagerðum spínat- og kartöflu-gniocchi sem ástkona mín eldaði. Mmm. Nú er ég að drekka meira. Mmm.
Vinur minn stakk upp á því að við flyttum til suð-vestasta hluta Finnlands, færum sex saman og keyptum niðurníddan herragarð og bát og gerðum við. Mér leist strax vel á það. Ég gæti teiknað eins og Tove Jansson (ég er mjög góður teiknari). En sessunautum okkar, þessum sem áttu að koma með, leist betur á Lofoten.
Lofoten. Excuse-moi?

2009-04-17T10:49:00.004Z

Mig dreymdi í nótt að ég væri búinn að drepa Davíð Oddsson og nota sem stopp í bangsa. Þetta var í hæsta máta ógeðfellt alltsaman.
Undanfarnar vikur og mánuði hef ég verið óvenju vel stilltur og glaður. Í gær var ég líkamlega slappur (held ég sé að missa heyrn) svo ég horfði í hitamóki yfir mig af pólitísku hórþrasi í sjónvarpinu og þá náði heiftin tökum á mér. Heift í garð hálfvitanna og hór-stjórnmálamannanna og stundum óska ég þess að til væri Bruegelskt helvíti. Ég er að jafna mig. Ég fékk örugglega góða útrás í draumnum. Ætla að hætta að hugsa um þetta pakk, ég er allt of viðkvæmur.
Vorið er óvenju gott.
Ég er byrjaður í Sinfóníuhljómsveit áhugamanna. Við erum að spila sinfóníu no 6 eftir Hofhannes, yndisleg tónlist, auk Bach-hljómsveitarsvítu (mmm...) og Mozart-hornkonserts. Mér fyndist reyndar að hljómsveitin ætti alltaf að vera með Schubert á tónleikaskránni.

draumalandid trailer

2009-04-07T12:01:00.001Z

2009-04-06T19:49:00.001Z

2009-03-06T11:40:00.004Z

Yehudi Menuhin leikur Mattheusarpassíu Bachs og sannar tilvist Guðs (sem hefur yfirgefið okkur).

2009-03-05T19:02:00.005Z

2009-02-16T00:50:00.002Z

Við ástkona mín brugðum okkur austur á Seyðisfjörð um helgina. Ó hve það var gaman. Seyðisfjörður er ekki bara fallegur heldur líka sérlega vinalegur bær. Heimamenn glápa ekki einu sinni á mann þegar maður gengur um eða fer í búð.
Við fengum okkur bíltúr inn í Hallormsstaðaskóg og borðuðum nesti í lundi, sáum frostlæki og gengum innan um gömul tré. Lagarfljótið var undurfagurt og ísi lagt til hálfs en í hinum helmingnum speglaðist allt sem speglast gat. Unaðslegt. Öll jörðin var svarthvít og yrjótt upp í miðjar hlíðar en þaðan upp alhvít eins og þakin skyri og rjóma en himinninn heiðblár.
Við keyrðum einnig til Reyðarfjarðar og Eskifjarðar. Ég skil nú loksins almennilega hvers vegna fólk langaði svona í þetta álver. Eymdin er hræðileg. Ef ég hefði alist þarna upp hefði ég drepið mig.
Nú eða flutt. Já líklega hefði ég bara flutt.

Myrkir mússíkdagar

2009-02-13T03:27:00.015Z

Ég fór á sinfóníutónleika í kvöld. Ótrúlega hressandi. Ég elska myrka mússíkdaga. Tónleikana sótti fjölbreyttur hópur fólks, sem var frábært og hressandi en um leið óþolandi þar sem fólk kom of seint og klappaði milli þátta og rápaði um eins og villimenn.
Á tónleikunum var meðal annars flutt verk eftir Hauk Tómasson, Dialogo, sem var svo unaðslegt að ég öskraði þegar hann fór upp á svið. Ég er orðinn svo hamslaus af öllum mótmælunum. Eftir hlé var meðal annars fluttur píanókonsert eftir stjórnandann, Daníel Bjarnason og var það krónprinsinn, Víkingur Heiðar, sem flutti hann. Þetta var svo hárómantískur konsert að meiraðsegja ég var alveg bit. Svona meta-rómantík í gangi. Það hæfir auðvitað Víkingi. Daníel Bjarnason ætti að semja líríska óperu.
Ég hef undanfarnar vikur fyllst einhverjum undarlegum trega á sinfóníutónleikum, ótta um framtíð hljómsveitarinnar. Í kvöld var nýi menntamálaráðherrann á tónleikunum. Það er nú gott.
Annars gerist ekki mikið. Ég er sem fyrr að þýða Orlando furioso, sem verður mitt ævistarf og gjöf til Íslendinga og svo er ég að safna vömb svo ég verði með einhvern forða þegar sveltið byrjar.
Ég fór á Íslenska dansflokkinn í vikunni en búningarnir voru svo viðbjóðslegir að það var engin leið að fylgjast með dönsurunum.

2009-02-02T12:07:00.003Z

Á móti mér á kaffihúsinu situr feit ung kona með á að giska þriggja ára gamalt barn á brjósti. Hún talar í sífellu um gubb og kúk og meðgönguna á milli þess sem hún lætur sig dreyma um að komast burt úr miðbænum (til dæmis í hverfið milli lífs og dauða sem hún heldur að sé nefnt svo "vegna þess að það er á milli kirkjugarðsins og Kringlunnar"). Það fer í taugarnar á henni að maðurinn hennar skuli ekki hafa hætt að drekka permanently eins og hún þegar hún varð ólétt. Henni finnst það ótrúlega ótillitssamt. Hann er líka alltaf að hitta vini sína.
Ég finn fyrir mun meiri viðbjóði en ég fann fyrir á sýningunni Rústað í fyrradag.

Hvítakristur, sósíalistinn

2009-02-01T16:25:00.006Z

Verst að Satan er þegar búinn að rústa okkur.

Helvítis filistínarnir

2009-01-25T02:23:00.004Z

Við bræðurnir fórum á tónleika í Þjóðmenningarhúsinu í dag. Félagar úr Sinfóníunni léku meðal annars fyrsta strengjakvartett Janáčeks. Það var gott.

Einhvernvegin kom það yfir mig á tónleikunum að allt hefði farið til fjandans á Íslandi út af þessum fokking filistínum allstaðar. Filistínatussunum.
Ég er að spá í að flýja land. Það er auðvitað pínu fúlt að fara loksins þegar fólk er hætt að hengja upp klósettin. Kannski flyt ég í þorp í skógum Toskana, það vex allt svo vel þar. Ég gæti fegið mér byssu og tínt sveppi og fíkjur á sumrin og farið á Fiat Panda og rænt stórmarkaði á veturna. Lesið Óvidíus í gamalli hlöðu og gert brjósmyndir af dýrunum sem ég skýt í skóginum. Bakað brauð og drukkið vín og sungið Ef ég væri guð með anarkistunum. Nú hlusta ég á þetta lag og græt inní mér:

2009-01-25T02:14:00.001Z

2009-01-24T00:42:00.003Z

Art, Truth and Politics:

2008-12-25T23:15:00.001Z

Úr Nóbelsræðu Harolds Pinter:

2008-12-18T16:40:00.008Z

Mér finnst að við eigum öll að stela í Ríkinu. Fá okkur það sem við viljum.
En nú er ég farinn á alþingispallana. Ég ætla að sitja þar þægur og gráta. Ekki er hægt að reka mig út fyrir það. Er líka að spá í að gubba fram af svölunum.

Ég er búinn að uppfæra jólakortalistann:

2008-12-15T17:13:00.014Z

Lárus Welding og Ágústa Ólafs, Blönduhlíð 8, 105 Reykjavík

Björgólfur Guðmundsson Vesturbrún 22 104 Rvík

Björgólfur Thor Björgólfsson Apartment 32, Academy Gardens, Duchess of Bedfords Walk, London, W8 7QQ

Bjarni Ármannsson og Helga, Hundsundveien 16, 1367 Snarøya, Noregi

Lýður Guðmundsson, Pósthólf 307, 202 Kópavogur

Jón Ásgeir Jóhannesson, Sóleyjargötu 11, 101 Rvík

Ingibjörg Sólrún Gísladóttir Nesvegi 76, 107 Rvík

Pálmi Haraldsson, Halla Rannveig Halldórsdóttir og synir, Sólvallagötu 4, 101 Reyjavík

Ragnhildur Geirsdóttir Sólvallagötu 66, 101 Reykjavík

Hreiðar Már Sigurðsson, Anna Lísa Sigurjónsdóttir og börn, Hlyngerði 6, 108 Rvk

Ólafur Ragnar Grímsson, Bessastöðum, 225 Álftanesi

Hannes Smárason og Unnur Sigurðardóttir, Fjölnisvegi 9, 101 Reykjavík og Knightsbridge, London

Geir Hilmar Haarde                  og Inga Jóna, Granaskjóli 20,              107 Rvík.

Andinn og efnið

2008-12-12T18:28:00.009Z

Ég er enn uppnuminn eftir Messiaen-tónleikana í Hallgrímskirkju á miðvikudaginn ("La Nativité de Seigneur"). Ég er hreinlega ekki samur. Ég fékk einskonar trúlausa vitrun í fjórða kafla þegar Jesús svarar kalli föður síns og undirgengst fórnina fyrir mannkynið og aftur í lokakaflanum þegar orðið verður hold.

Annars sit ég heima í stofunni með campari og hlusta á jólalög og skrifa jólakort. Jólakortalistinn í ár er svona:

Geir Hilmar Haarde Granaskjóli 20 107 Rvík

Lárus Welding Blönduhlíð 8 105 Rvík

Björgólfur Guðmundsson Vesturbrún 22 104 Rvík

Björgólfur Thor Björgólfsson Apartment 32 Academy Gardens Duchess of Bedfords Walk, London, W8 7QQ

Bjarni Ármannsson Hundsundveien 16, 1367 Snarøya, Noregi

Lýður Guðmundsson Pósthólf 307, 202 Kópavogur

Jón Ásgeir Jóhannesson Sóleyjargötu 11 101 Rvík

Ingibjörg Sólrún Gísladóttir Nesvegi 76 107 Rvík

2008-12-08T19:11:00.001Z

Jæja, ég er farinn á Ingólfstorg. Hvar er lambúshettan mín?

Chronologie 6 par Olavier

2008-12-07T13:19:00.002Z

Ég er orðinn alveg agalega spenntur fyrir byltingunni á morgun. Ég er að spá í hvort ég eigi að hringja strax í yfirmann minn og láta vita að ég verði frá vinnu vegna handtökunnar.

Náttúra

2008-12-07T12:23:00.007Z

Ég brá mér til útlanda með unnustu minni um daginn. Þar rakst ég á þetta heillandi dýr, gamlan frænda okkar allra:

Úrkynjað, já, Great Gatsby, nei.

2008-12-07T04:10:00.013Z

Ég fór í partí áðan í boði ógeðslega ríkrar barónessu. Partíið var haldið í rótarísal á Seltjarnarnesi. Hálfrar milljónar króna virði af búsi flæddi ofan í gesti og Dorrit eldaði fiskisúpu í mannskapinn. Krummi spilaði lélega tónlist og þetta minnti helst á fimmtugsafmæli Júlla frænda á Akranesi. Ég gat ekki beðið eftir að komast heim að skrifa jólakort. Ég ætla að senda öllum auðjöfrum jólakort og biðja þá að leggja inn á mig.

Hrólfur ætlar á skímó með öllum skvísunum á laug...það verður sko rifjað upp gamla takta ;).

2008-11-26T16:37:00.001Z

Ég held annars að ég sé að fá einhverja uppsölupest.

Davíð afhendir arftaka sínum, Geir, inspector scolae-veldisspotann í MR sautjánhundruð og súrkál

2008-11-23T18:51:00.001Z

Guð bjargi okkur!

2008-11-23T18:49:00.002Z

Siðmenningin er viðbjóðsleg. Hvar er folkhemmet?

2008-11-19T06:13:00.004Z

Ég er nú farinn að missa svefn yfir ástandinu. Aðallega yfir því að það virðist engin leið að fá ríkisstjórnina til að pilla sér og yfir IMF-viðbjóðnum og kapítalismatrúarbrögðunum og yfir ESB-múgæsingunni og að Samfylkingin sé orðin alveg eins og XD og að það virðist ekki vera nein leið til að losna við andskotans pakkið og yfir spillingunni og Icesave og niðurskurði í heilbrigðiskerfinu en einnig verðtryggingunni og verðbólgunni. Ríkið er að stela húsunum okkar til að borga skuldir bankahálfvitanna. Arðrán heitir það. Og hvar er ófriðurinn?
Ég verð víst að flýja land til að geta gleymt þessu. Eða setjast að á hálendinu og lifa á sauðaþjófnaði. Það væri þó ekki sanngjarnt gagnvart bændum. Hvað með hreindýrin? Það á þau enginn. Og rjúpurnar. Og bláberin. Og eyðibýlin.

2008-11-17T11:18:00.000Z

2008-11-15T21:45:00.001Z

www.veigar.is/skripo

Áfram stelpur?

2008-11-14T12:34:00.008Z

Getur verið að "Elín" Sigfúsdóttir, nýr bankastjóri Landsbankans, sé í raun Sigurjón Þ. Árnason, fráfarandi bankastjóri?

2008-11-13T19:31:00.000Z

2008-11-01T23:55:00.001Z

Ég veit ekki lélegri auglýsingu fyrir Oxford og Cambridge-háskóla en að þeir hafi verið með icesave-reikninga.

Manifestation en Islande

2008-11-01T23:17:00.001Z